කැකිරාව, කිතුල්හිටියාව ප්‍රදේශයේ නිවාස 7ක පුද්ගලයින් 30ක් ස්වයං-නිරෝධායනයට යොමු කළ බව කැකිරාව සෞඛ්‍ය වෛද්‍ය නිලධාරී කාර්යාලය පවසනවා.
කන්දකාඩු ප්‍රතිකාර හා පුනරුත්ථාපන මධ්‍යස්ථානයෙන් හමුවූ ආසාධිත පොකුරට අයත් යුද හමුදා නිලධාරියකු ඇතුලු එම පවුලේ පිරිස ඇසුරු කළ බව කියන නිවාස 7ක පදිංචි පිරිස ඊයේ රාත්‍රියේ සිට මෙලෙස ස්වයංනිරෝධායනයට යොමු කර තිබෙනවා.
PCR පිරීක්ෂණයන්ට අනුව අදාළ හමුදා නිලධාරියාට කෝවිඩ්-19 ආසාධිත බවට තහවුරුවීමත් සමග එම ආශ්‍රිත පිරිස මෙලෙස ස්වයං-නිරෝධායනයට යොමු කළ බව කැකිරාව සෞඛ්‍ය වෛද්‍ය නිලධාරී කාර්යාලය පවසනවා.
එම ආසාදිත යුද හමුදා නිලධාරියාගේ බිරිය ඇතුලු පවුලේ සාමාජිකයින් 5දෙනෙකුද ස්වයං නිරෝධායනය සදහා යොමු කිරීමට මහජන සෞඛ්‍ය පරීක්ෂකවරුන් කටයුතු කර තිබු අතර එම පිරිස අද (14) අලුයම දියතලාව නිරෝධායන මධ්‍යස්ථානය වෙත රැගෙන යාමට යුධහමුදාව කටයුතු කර ඇති බව ද ඔවුන්ද පීසීආර් පරීක්ෂණ සදහා යොමු කිරීමට නියමිත බව ද කැකිරාව සෞඛ්‍ය වෛද්‍ය නිලධාරී කාර්යාලය පැවසුවා.
The post කැකිරාව, කිතුල්හිටියාව 30 දෙනෙකු ස්වයං නිරෝධායනයට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka