ඊයේ දිනයේදී කොවිඩ් 19 වෛරසය ආසාදනය වූ පුද්ගලයන් 106 දෙනෙකු හඳුනාගෙන තිබෙනවා. ඒ අනුව මෙරටින් වාර්තා වන සමස්ත ආසාදිතයන් ප්‍රමාණය 2617 දක්වා ඉහළ ගොස් තිබේ.
ඊයේ හඳුනා ගත් ආසාදිතයන්ගෙන් 96 දෙනෙකුම කන්දකාඩ පුනරුත්තාපන මධ්‍යස්ථානය සහ ඒ ආශ්‍රිතව වෛරසය ආසාදනය වූ පුද්ගලයන් වේ. ඒ අතර, කන්දකාඩු කඳවුරේ සිට සේනපුර කඳවුර වෙත මාරුකර යවා තිබූ රැඳවියන් 76 දෙනෙකුද වේ.
ඒ අනුව මේ දක්වා කන්දකාඩු පුනරුත්තාපන කඳවුරෙන් සහ ඒ ආශ්‍රිතව හඳුනාගෙන ඇති සමස්ත ආසාදිතයන් ප්‍රමාණය 479 ක් වේ.
ඊයේ හඳුනාගත් සෙසු ආසාදිතයන් 10 දෙනාම විදෙස් රටවල සිට නැවත පැමිණි පුද්ගලයන් වන අතර ඔවුන්ගෙන් 05 දෙනෙකු බෙලරුස් රාජ්‍යයේ සිට මෙරටට පැමිණි අයයි. එක්සත් අරාබි එමීර් රාජ්‍යයේ සිට පැමිණි පුද්ගලයෙකු හා ඉරානයේ සිට පැමිණි දෙදෙනෙකුද වන බවයි සෞඛ්‍ය අංශ පවසන්නේ.
මේ දක්වා විදෙස් රටවල සිට මෙරටට පැමිණ සිටියදී හඳුනා ගත් ආසාදිතයන් ප්‍රමාණය 830 කි.
The post ආසාදිතයන් 2617 දක්වා ඉහළ යයි – ඊයේ දිනයට ආසාදිතයන් 106 ක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka