මහ මැතිවරණයෙන් පසුව පත්වන නව රජය පිහිටුවීම අගෝස්තු 11 වැනිදා සිදු කිරීමට සැළසුම් කර ඇති බව වාර්තා වේ. එදින අග්‍රාමාත්‍යවරයා ඇතුළු කැබිනට් මණ්ඩලය ජනාධිපතිවරයා ඉදිරියේ දිවුරුම් දෙන බවයි රජයේ අභ්‍යන්තර ආරංචි මාර්ග පවසන්නේ.
අගෝස්තු 05 වැනිදා මහ මැතිවරණ ඡන්ද විමසීම පැවැත්වෙන අතර වෙනදා ඡන්ද විමසීම අවසන් වූ වහාම ආරම්භ වන ඡන්ද ගණන් කිරීමේ කටයුතු, කොවිඩ් අවදානම හේතුවෙන් පසුදිනට කල් තබා ඇති බවයි මැතිවරණ කොමිසම ප්‍රකාශ කර තිබෙන්නේ. ඒ අනුව සමස්ත ප්‍රතිඵලය ප්‍රකාශයට පත් කිරීම ඇතැම් විට 07 වැනිදා දක්වා කල්යනු ඇත.
මේ අතර එළඹෙන පාර්ලිමේන්තුවේ කටයුතු අගෝස්තු 20 වැනිදා ආරම්භ කිරීමට සැළසුම් කර තිබේ. නවක පාර්ලිමේන්තු මන්ත්‍රීවරුන් සඳහා අවශ්‍ය පුහුණු කටයුතු මේ වනවිටත් සැළසුම් කරමින් තිබේ. කොවිඩ් වෛරසයේ බලපෑම් තවමත් අවසන් නොමැති හෙයින් ඊට අදාලව ද විශේෂ සැළසුම් සකස් කර තිබේ.
The post අලුත් පාර්ලිමේන්තුව රැස්වීම 20 වැනිදා.. කැබිනට් මණ්ඩලය දිවුරුම් දීම 11 වැනිදා ? appeared first on ColomboXnews.
Source From Colomboxnews
Author: Kamal Dhammika
#SriLanka #News #lka