MT නිව් ඩයමන්ඩ් නෞකාවේ කපිතාන්ට එරෙහි පනවා තිබු විදෙස් ගමන් තහනම ඉවතට

ශ්‍රී ලංකාවට ආසන්න නැගෙනහිර මුහුදු තීරයේ බොර තෙල් රැගත් , ගිනි ගැනීමට ලක්වූ එම්.ටී.නිව් ඩයමනඩ් නෞකාවේ ග්‍රීක ජාතික කපිතාන්වරයාට එරෙහිව පනවා තිබු විදේශ ගමන් තහනම ඉවත් කිරීමට කොළඹ ප්‍රධාන මහේස්ත්‍රාත් අධිකරණය අද නියෝග කළා.

තමා සේවාදායකයාට එරෙහිව ඉදිරිපත් වූ චෝදනා වලට ඔහු කොළඹ මහාධිකරණයේදී වරද පිළිගත් බවත් ඒ අනුව ඔහු රුපියල් මිලියන 12 දඩ මුදලක් ගෙවා ඇති බව කපිතාන්වරයා වෙනුවෙන් පෙනී සිටි නීතිඥවරයා අද මෝෂමක් මගින් අධිකරණයට දැනුම් දෙනු ලැබුවා.

ඒ අනුව මීට පෙර නැවේ කපිතාන් හිරෝස් ඉල්යාස් යන අයට එරෙහිව පනවා තිබු විදේශ ගමන් තහනම ඉවත් කිරීමට කොළඹ ප්‍රධාන මහේස්ත්‍රාත් මොහොමඩ් මිහාල් මහතා අද නියෝග කළා.

2008 වසරේ සමුද්‍ර දූෂණ වැළැක්වීමේ පනත යටතේ නීතිපතිවරයා විසින් කොළඹ මහාධිකරණයේ කපිතාන්වරයාට එරෙහිව නඩු පවරන ලද අතර එම චෝදනා වලට ඔහු වරද පිළිගන්නා ලදී.

The post MT නිව් ඩයමන්ඩ් නෞකාවේ කපිතාන්ට එරෙහි පනවා තිබු විදෙස් ගමන් තහනම ඉවතට appeared first on Colombo Today.

Source From colombotoday
Author: Lt editor
#SriLanka #News #lka