සීතල පුටවල උදම් අනමින් සිටියදී ත්‍රස්තවාදීන් ගිනි පුපුරු අළු අතරින් මතුවනවා – සරත් ෆොන්සේකා කියයි

සීතල පුටවල වාඩිවී උදම් අනමින් සිටියත් ත්‍රස්තවාදයේ ගිනි පුපුරු තවමත් අළු අතරින් මතුවන බව හිටපු හමුදාපති පාර්ලිමේන්තු මන්ත්‍රී සරත් ෆොන්සේකා මහතා අද (3)දින පාර්ලිමේන්තුවේදී ආරක්ෂක අමාත්‍යංශයේ වැය ශීර්ෂ විවාදයට එක්වෙමින් පැවසීය.

“ඊයේ බෝම්බයක් සමග හිටපු කොටි ත්‍රස්තවාදී කාන්තාවක් අසුවුණා. මේ ත්‍රස්තවාදයේ ගිනි පුපුරු තවම තියෙනවා. සීතල පුටුවලට වෙලා අපි ත්‍රස්තවාදය පරාජය කළා කිය කිය ඉඳලා හරියන්නේ නෑ. මේවා හොයල බලන්න ඕනේ. මහවිරු දිනය සැමරීමත් නීති විරෝධියි. එල්ටීටීඊය කියන්නේ තහනම් ත්‍රස්තවාදී සංවිධානයක්. අපේ පක්ෂයේ මනෝ ගනේෂන් මන්ත්‍රීවරයත් මහවිරු සැමරුම ගැන කියලා තිබුණා. ඒවා වැරදියි” යනුවෙන්ද සරත් ෆොන්සේකා මහතා කියා සිටියේය.