දෙවනි රැල්ලේ නව ආසාදිතයින් 350ක් වාර්තා වෙයි

අද (03) දිනය තුළ කොවිඩ් ආසාදිතයින් 350ක් හඳුනාගෙන ඇතැයි යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.

ඔවුන් සියලු දෙනා මීට පෙර හඳුනාගත් ආසාදිතයින්ගේ ආශ්‍රිතයින් බව යුද හමුදාපතිවරයා සඳහන් කළේය.

ඒ අනුව මිනුවන්ගොඩ – පෑලියගොඩ කොවිඩ් පොකුර 22,211ක් දක්වා ඉහළ ගොස් තිබේ.

ඒ අනුව මෙරට සමස්ත ආසාදිතයින් ගණන 25,760ක් දක්වා ඉහළ යනු ඇත.

මේ මොහොත වන විට සුවය ලැබු සමස්ත කොවිඩ් ආසාදිතයින් ගණන 19,032ක් වන අතර රෝහල්ගත කොවිඩ් ආසාදිතයින් ගණන 6,604කි.