ජීවිත දෙකක් බිළිගත් මට්ටක්කුලියේ බිහිසුණු අනතුර

මට්ටක්කුලිය ප්‍රදේශයේ හෝටලයක් අසල සිදුවූ රිය අනතුරකින් කාන්තාවක් සහ තවත් පුද්ගලයෙකු ජීවිතක්ෂයට පත්ව තිබේ.

අද (02)දින උදෑසන 08.40 ට පමණ මෝදර සිට වත්තල දෙසට ධාවනය වෙමින් තිබු ලොරි රථයක් මාර්ගයෙන් ඉවතට පැන ප්‍රතිවිරුද්ධ දිශාවෙන් පැමිණි ත්‍රීරෝද රථ දෙකක ගැටී එම අනතුර සිදුවිය. අනතුර සිදුවන අයුරු අසල තිබූ සීසීටීවි කැමරාවල සටහන්ව තිබුණි.

අනතුරින් එක් ත්‍රීරෝද රථයක ගමන් ගත් රියදුරු සහ කාන්තාවක් මියගොස් තිබේ.

මියගොස් ඇත්තේ මට්ටක්කුලිය ප්‍රදේශයේ පදිංචිව සිටි දෙදෙනෙක්.

අනතුරින් අනෙක් ත්‍රීරෝද රථයේ රියදුරු සහ එහි ගමන් කළ පුද්ගලයෙකු තුවාල ලබා ප්‍රතිකාර සඳහා ජාතික රෝහලට ඇතුළත් කර ඇති බව පොලීසිය පැවසුවේය.

අනතුරට සම්බන්ධ ලොරි රථයේ රියදුරු අත්අඩංගුවට ගෙන ඇති අතර මට්ටක්කුලිය පොලිසිය සිද්ධිය සම්බන්ධයෙන් වැඩිදුර විමර්ශන සිදුකරයි.

The post ජීවිත දෙකක් බිළිගත් මට්ටක්කුලියේ බිහිසුණු අනතුර appeared first on Colombo Today.