MoneyGram ජාත්‍යන්තර මුදල් හුවමාරු සේවය MMBL Money Transfer සමඟ එක්ව ශ්‍රී ලංකාවේ සේවා ව්‍යාප්ත කරයි

MoneyGram ජාත්‍යන්තර මුදල් හුවමාරු සේවය  MMBL Money Transfer සමඟ එක්ව ශ්‍රී ලංකාවේ සේවා ව්‍යාප්ත කරයි

රට රටවල් අතර මුදල් හුවාමාරු කිරීමේ ගෝලීය දැවැන්තයෙක් වන මනීග්‍රෑම් ඉන්ටර්නැෂනල් සමාගම (MoneyGram International, Inc.) , එම ක්ෂේත්‍රයෙහි ශ්‍රී ලංකාවේ දැවැන්තයා වන එම්.එම්.බී.එල් මනී ට්‍රාන්සර් සමාගම (MMBL Money Transfer) සමඟ හවුල්කාරීත්වයට එළඹි බව නිවේදනය කර සිටී. මේ නිසා ශ්‍රී ලාංකික පාරිභෝගිකයින් හට ලොව ඕනෑම තැනක සිට මනීග්‍රෑම් හරහා එවන මුදල් ශ්‍රී ලංකාවේ ඕනෑම තැනක පිහිටි එම්.එම්.බී.එල් මනී ට්‍රාන්සර් නියෝජිතයෙක් වෙතින් ලබා ගැනීමේ පහසුව හිමි වේ.

“මනීග්‍රෑම් සමාගම වැඩි වශයෙන් මුදල් ගලායන වෙළඳපොළ වෙත වැඩි අවධානයක් කරමින් සිටිනවා. එම නිසා එම්.එම්.බී.එල් මනී ට්‍රාන්සර් සමාගම හා එක්ව දකුණු ආසියානු කලාපයේ වැදගත් වෙළඳපොළක් වන ශ්‍රී ලංකාව තුළ ස්ථාවරත්වය ගොඩනඟා ගැනීම අපට වැදගත් අවස්ථාවක්. එම්.එම්.බී.එල් මනී ට්‍රාන්සර් සමාගම මූල්‍ය සේවා සැපයීම සම්බන්ධයෙන් ශ්‍රී ලංකාවේ පුරෝගාමියෙක්. මේ නව හවුල්කාරීත්වය හරහා මිලියන ගණනක් ශ්‍රී ලාංකිකයින් වෙත මනීග්‍රෑම් හරහා එවන මුදල් ලබාගැනීම ඉතා පහසු වෙනවා. මෙහි විශේෂත්වය වන්නේ ඔවුන්ට සති අන්තයේදී හෝ රාත්‍රියේදී පවා මුදල් ලබාගැනීමේ පහසුව හිමි වීමයි” යැයි මේ පිළිබඳව අදහස් දක්වමින් මනීග්‍රෑම් සමාගමේ ආසියා පැසිෆික් සහ දකුණු ආසියා කලාපය සඳහා ප්‍රධානී අනිල් කපූර් මහතා පැවසීය.

එම්.එම්.බී.එල් මනී ට්‍රාන්සර් සමාගම සමාගම දිවයින පුරා විසිරුණු නියෝජිතායතන 2000 කට අධික ජාලයක් මෙහෙයවන අතර එම ජාලයට බැංකු, බැංකු නොවන මූල්‍ය ආයතන, සමූපකාර ග්‍රාමීය බැංකු සහ වෙළඳ නියෝජිතයතන අයත් වේ. මේ පුඵල් සේවා ජාලය නිසා පාරිභෝගිකයා වෙත ඉතා පහසුවෙන් තම කැමැත්ත පරිදි මුදල් ලබාගැනීම සිදු කළ හැකි වේ.

“මනීගෑම් සමඟ අපගේ නව සබඳතාවය හරහා ජාත්‍යන්තර කීර්තිමත් සේවාවක ප්‍රතිලාභ අපේ පාරිභෝගිකයින් වෙත ලබා දීමට හැකි වීම පිළිබඳව අපි සතුටට පත් වෙනවා. මුදල් හුවාමාරු කිරීමේ සේවාවේ වසර 25 කට වැඩි අත්දැකීම් ඇති අපි මෙරට දැවැන්තම සමාගම් සමූහයක් වන එයිට්කන් ස්පෙන්ස් සමාගමේ (Aitken Spence PLC)සහ මර්කන්ටයිල් මර්චන්ට් බැංකුවේ (Mercantile Merchant Bank Ltd) සහය ලබන ආයතනයක්.  එනිසා මේ සබඳතාවය හරහා පරිභෝගිකයින්ට මෙන්ම මනීග්‍රෑම් සේවාවටත් වටිනාකමක් එක් කිරීමට අපට හැකි බව මා විශ්වාස කරනවා” යැයි මේ පිළිබඳව අදහස් දක්වමින් එයිට්කන් ස්පෙන්ස් සමූහ ව්‍යාපාරයේ අධ්‍යක්ෂක සහ එම්.එම්.බී.එල් මනී ට්‍රාන්සර් සමාගමේ කළමනාකාර අධ්‍යක්ෂක, දිනේෂ් මෙන්ඩිස් මහතා පැවසීය.   

මනීග්‍රෑම් ඉන්ටර්නැෂනල් සමාගම පිළිබඳව :

මනිග්‍රෑම් යනු ජාත්‍යන්තර ගෙවීම් සහ මුදල් හුවමාරු ක්ෂේත්‍රයෙහි ගෝලීය දැවැන්තයෙකි. මනිග්‍රෑම්හි පාරිභෝගික කේන්ද්‍රීය බව නිසා රටවල් 70 කට වැඩි ගණනකට ඉක්මණින් හා අවම වියදමකින් මුදල් යැවීමට පවුලේ අයට සහ මිතුරන්ට හැකි වන අතර රටවල් 70 කට වැඩි සංඛ්‍යාවක් දැන් ඩිජිටල් ලෙස සක්‍රීය කර ඇත.

මනිග්‍රෑම් සිය නවීන, ජංගම සහ API මත පදනම් වූ තාක්ෂණය උපයෝගී කරගෙන, ලොව ප්‍රමුඛ පෙළේ සන්නාම සමඟ සහයෝගයෙන් සිය නියෝජිතායතන සහ ඩිජිටල් ව්‍යාපාරය හරහා සෑම වසරකම මිලියන සංඛ්‍යාත ජනතාවකට සිය සේවය සපයයි.

නවෝත්පාදන සංස්කෘතියකට හිමිකම් කියන  මනීග්‍රෑම් තාක්ෂණය උපයෝගී කරගෙන ලෝකයේ හොඳම පාරිභෝගික අත්දැකීම් ලබා දීම සඳහා අවධානය යොමු කරන අතර පුද්ගලයන් අතර ගෙවීම් සිදු කරන ඩිජිටල් තාක්ෂණයේ පුරෝගාමියෙක් වේ.

වැඩි විස්තර සඳහා කරුණාකර MoneyGram.com වෙබ් අඩවියට පිවිස @MoneyGram සොයා බලන්න.

එම්.එම්.බී.එල් මනී ට්‍රාන්සර් සමාගම පිළිබඳව :

2000 කට අධික නියෝජිතායතන සංඛ්‍යාවක් ඇති ශ්‍රී ලංකාවේ විශාලතම හා පුළුල්ම අභ්‍යන්තර මුදල් හුවමාරු ජාලය එම්.එම්.බී.එල් මනී ට්‍රාන්සර් සමාගම සතු වේ.

කලාපීය වශයෙන් පාරිභෝගිකයින්ට සමීපව ස්ථානගත වීමේ උපාය මාර්ගික ප්‍රවේශය නිසා එම්.එම්.බී.එල් මනී ට්‍රාන්සර් සමාගමට දිවයිනේ සියලුම තරඟකාරිත්වයට අභිබවා යාමට හැකි වී ඇති අතර ශ්‍රී ලාංකික ජනතාවට නිතර ඇසෙන සමීප නාමයක් බවට පත් වී ඇත.

දිවයින පුරා සාර්ථකව සිය මෙහෙයුම් පවත්වා ගෙන යාමට එම්.එම්.බී.එල් මනී ට්‍රාන්සර් සමාගමට හැකි වීමට එක් ප්‍රධාන සාධකයක් වන්නේ සතියේ දින 7 පැය 24 පුරාම සිය පාරිභෝගිකයින් හා නියෝජිතයින් වෙත සේවය සැපයීමට කැප වූ කාර්ය මණ්ඩලයයි.

අවිවාදයෙන්ම එම්.එම්.බී.එල් මනී ට්‍රාන්සර් සමාගමෙහි දැවැන්තම සවිය වන්නේ එහි නියෝජිතායතන ජාලයයි. මෙම ජාලයට නියෝජිතයින් බහුතරයක් වසරේ දින 365 පුරාම පාරිභෝගිකයින්ගේ පහසුවම උදෙසා සේවය සැපයීමට කැප වී සිටීම ඊට හේතුවයි.

 

Source FromBusiness AM
Author:
#SriLanka #News #lka