ලෝක ළමා දින ජාතික උළෙලේදි මහජන බැංකුවෙන් දරු දැරියන්ට සුවිශේෂි තෑගි

ලෝක ළමා දින ජාතික උළෙලේදි මහජන බැංකුවෙන් දරු දැරියන්ට සුවිශේෂි තෑගි

මෙවර ලෝක ළමා දිනය සැමරීමට සංවිධානය කරන ලද ජාතික උත්සවය ඔක්තෝම්බර් 2 දා බත්තරමුල්ල, අපේ ගම පරිශ්‍රයේදි ගරු අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවත්වුණු අතර, එහිදි මහජන බැංකුව සිසු දරු දැරියන් වෙත විශේෂ මැටි කැට ලබාදීමට පියවර ගන්නා ලදි. “අපේ රට අපේ දෑතින්” යන තේමාව යටතේ පැවති මෙම උත්සවයේදි අග්‍රාමාත්‍යවරයාගේ සුරතින් එම කැට දරු දැරියන් වෙත පිරිනමන ලදි.

මහජන බැංකුව මෙම වැඩපිළිවෙල දියත් කළේ රජයේ සෞභාග්‍යයේ දැක්ම ප්‍රතිපත්ති ප්‍රකාශයට අනුව දේශිය කර්මාන්තවල නියැලෙන ව්‍යවසායකයින් නඟා සිටුවීමද පෙරදැරි කරගනිමිනි. මෙම අවස්ථාවට අධ්‍යාපන අමාත්‍ය මහාචාර්ය ජී. එල් පීරිස් මහතා ඇතුඵ මැති ඇමතිවරුන්, කාන්තා හා ළමා සංවර්ධන, පෙර පාසල් හා ප්‍රාථමික අධ්‍යාපන, පාසල් යටිතල පහසුකම් හා අධ්‍යාපන සේවා රාජ්‍ය අමාත්‍ය පියල් නිශාන්ත ද සිල්වා, මහජන බැංකුවේ සභාපති සුජීව රාජපක්ෂ, ජ්‍යෙෂ්ඨ නියෝජ්‍ය සාමාන්‍යාධිකාරි (පුද්ගල කේන්ද්‍රිය බැංකු කටයුතු) කේ. බී රාජපක්ෂ, නියෝජ්‍ය සාමාන්‍යාධිකාරිනි (ක්‍රියාවලි කළමනාකරණ හා තත්ව ආරක්ෂණ/ පුද්ගල කේන්ද්‍රිය බැංකු කටයුතු) රේණුකා ජයසිංහ, සහකාර සාමාන්‍යාධිකාරි (පුද්ගල කේන්ද්‍රිය බැංකු කටයුතු) ඒ. ජයසිත්, අලෙවි ප්‍රධානි නාලක විජේවර්ධන යන මහත්ම මහත්මීන් ඇතුඵ රාජ්‍ය නිලධාරින් සහ සිසු දරු දැරියන් විශාල පිරිසක් සහභාගී වූහ.

මහජන බැංකුව ඉසුරු උදාන හා සිසු උදාන ගිණුම් හිමි දරු දැරියන්ට ඉතිරි කිරීමේ පුරුද්ද ඇතිකිරීම සඳහා මෙතෙක් ලබාදුන් කැට වෙනුවට වේවැල්, පිත්තල, මැටි, ලී බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍ය ප්‍රසන්න රණවීර මහතා විසින් මහජන බැංකුව වෙත කරන ලද ඉල්ලීමකට අනුව ඒ සඳහා මැටියෙන් තනන ලද විශේෂ කැට ලබාදීමට පියවර ගන්නා ලදි. ඒ රජයේ අරමුණු හා ඒකාබද්ධ වෙමින් දේශිය කර්මාන්ත නඟාසිටුවීමට උරදීමේ අරමුණිනි. විශේෂයෙන් නිර්මාණය කරන ලද මෙම කැටයේ තවත් එක් විශේෂත්වයක් වන්නේ එය භාවිතා කළ පසු ඉවත නොදමා කුරුඵ කූඩුවක් ලෙසින් පරිසර හිතකාමී අයුරින් භාවිතා කළ හැකි වීමයි.

එමෙන් මෙරට දේශිය කර්මාන්ත නඟා සිටුවීම, අපනයන ප්‍රවර්ධනය කිරීම, ආනයන ආදේශන කර්මාන්ත බිහිකිරීම, දේශිය නිපැයුම්වල ගුණාත්මක වැඩි දියුණු කිරීම, දේශිය කර්මාන්ත ආශ්‍රීත ස්වයං රැකියා ප්‍රමාණය වැඩිකිරීම, ප්‍රාදේශිය සංවර්ධනය යන අරමුණු පෙරදැරි කරගනිමින් කෘෂි, වැවිලි, ධීවර, මැටි, බතික්, පිත්තල, මැණික් හා ස්වර්ණාභාරණ ඇතුඵ අනෙකුත් කර්මාන්ත වල නියුතුවූවන් වෙනුවෙන් මහජන බැංකුව Made in Sri Lanka ණය ව්‍යාපෘතියද මෑතකදි දියත් කරන ලදි.

Source FromBusiness AM
Author:
#SriLanka #News #lka