මේ පිළිබඳව අදහස් දක්වමින් ශ්‍රීලංකන් ගුවන් සමාගමේ සභාපති අශෝක් පතිරගේ මහතා සඳහන් කළේ මෙමගින් ශ්‍රී ලංකාව ආසියාවේ ගුවන් කේන්ද්‍රස්ථානයක් බවට පත් කිරීමේ ශ්‍රී ලංකාවේ දැක්ම සාර්ථක කරගැනීමට, ගුවන් සමාගම දක්වන කැපවීම පෙන්නුම් කරන බවයි. එසේම ගුවන් සේවය පූර්ණ සේවා සපයන ජාත්‍යන්තර ගුවන් සමාගමක් ලෙස සිය ස්ථාවරය ශක්තිමත් කිරීම සඳහා ව්‍යාපාරික ආකෘතිය ගොඩනඟමින් සිටින බව ද ඒ මහතා සඳහන් කළේය. “ දශක 4 ක සාඩම්බර ඉතිහාසයක් ඇති ශ්‍රීලංකන් ගුවන් සේවය නැවත වතාවක්, කලාපය තුළ දැවැන්ත සලකුණක් තබා තියෙනවා. අඛණ්ඩව පස්වන වරටත් ඉන්දියානු සාගරය වෙත මෙහෙයුම් සිදුකරන ලොව ප්‍රමුඛතම ගුවන් සේවය ලෙස සම්මානය දිනා ගැනීම ප්‍රශංසනීයයි. විශේෂයෙන්ම COVID-19 සමඟ ඇතිව තිබෙන වර්තමාන තත්ත්වය ගුවන් හා සංචාරක කර්මාන්තයට අඛණ්ඩව බාධා ඇති කරනවා. නමුත් ශ්‍රී ලංකන් ගුවන් සේවයට ඕනෑම අභියෝගයකට මුහුණ දීමට හැකියාව තියෙනවා. ජාතික ගුවන් සේවය සිය සේවා හා මෙහෙයුම් සඳහා වරින් වර අවධානය යොමු කර ඇති බවට මෙම සම්මානය හොඳ සාක්ෂියක්.” යැයි ද ඒ මහතා වැඩිදුරටත් පෙන්වා දුන්හ.
ශ්‍රීලංකන් ගුවන් සේවය 2016 වසරේ සිට මෙම සම්මානය දිනාගෙන ඇති අතර මේ වසරේදී ජාතික ගුවන් සේවය WTA හී දී ඉන්දියානු සාගර කලාපය වෙත මෙහෙයුම් සිදුකරන ආසියාවේ ප්‍රමුඛතම ගුවන් සේවය ලෙස සම්මානය දිනා ගත්තා පමණක් නොව, WTA හි ආසියා සම්මාන උළෙලේ දී ‘ආසියාවේ ප්‍රමුඛ අලෙවිකරණ ව්‍යාපාරයට’ හිමි සම්මානය ද දිනා ගත්තේය.
මෙම සම්මානය සංකේතවත් කරන්නේ දකුණු ආසියානු කලාපයට සහ විශේෂයෙන් ඉන්දියාවට ගුවන් සේවා පහසුකම් සැපයීම සඳහා ගුවන් සේවයේ කැපවීමයි. විශේෂයෙන්ම ඉන්දියාවේ ගමනාන්ත 11 ක් ශ්‍රී ලංකාවට හා ඉන් ඔබ්බට සම්බන්ධ කිරීමට ගුවන් සේවය කටයුතු කරයි. ගුවන් සේවය මාලදිවයින , ඩකා, කරච්චි, ලාහෝර් සහ දකුණු ආසියාවේ අනෙකුත් ජනප්‍රිය නගරවලට ද මෙහෙයුම් ක්‍රියාත්මක කරයි.
ශ්‍රීලංකන් ගුවන් සමාගමේ ප්‍රධාන විධායක නිලධාරී විපුල ගුණතිලක මහතා ප්‍රකාශ කර සිටියේ ගුවන් සේවා කර්මාන්තය පෙර නොවූ විරූ අභියෝගයන්ට මුහුණ දී සිටින අවස්ථාවක, ශ්‍රීලංකන් ගුවන් සේවය දකුණු ආසියානු කලාපයේ සංචාරකයින්ගේ සහ කර්මාන්තයේ ප්‍රමුඛතම සන්නාමයක් ලෙස පවතින බව දැන ගැනීම සැනසිලිදායකය බවයි. “අඛණ්ඩව පස්වන වරටත් මෙම සම්මානය දිනා ගැනීම ඉන්දීය උප මහද්වීපයේ අපගේ ස්ථාවරය නැවත තහවුරු කිරීමක්. වඩා හොඳ වේලාවක් බලාපොරොත්තුවෙන්, සේවාවන් තවදුරටත් ශක්තිමත් කරමින් ලෝකයේ වැඩි කොටසක් ඉන්දියන් සාගර කලාපයට ගෙන ඒම අපේ ඉලක්කයයි.’’ යනුවෙන් ඒ මහතා වැඩිදුරටත් පැවසීය.
මේ වසරේ WTA හි ලොව ප්‍රමුඛ ගමනාන්තය වූ ව මාලදිවයින සහ මාලේ හි ගැන් දූපත සමඟ ශ්‍රීලංකන් ඇති සම්බන්ධතාවය ශ්‍රී ලංකාවේ ප්‍රධාන ගෘහස්ථ වෙළඳපොල වන අතර එමඟින් මැදපෙරදිග, යුරෝපය, ඈත පෙරදිග සහ ඕස්ට්‍රේලියාව යන පුළුල් ජාලය තුළ විවේකය සොයන අයට පහසුකම් සපයයි. දකුණු මාලදිවයිනේ ගැන් දූපත ලෝකය හා සම්බන්ධ කළ පළමු ගුවන් සේවය බවට ශ්‍රීලංකන් පත්වූ අතර මාලදිවයිනේ ස්ථාන දෙකක් වෙත ක්‍රියාත්මක වන එකම ජාත්‍යන්තර ගුවන් සේවය බවට ද පත්විය. මේ වන විට ගුවන් සේවය ලන්ඩනයේ සිට මාලේ දක්වා සෘජු ගුවන් ගමන් ක්‍රියාත්මක කරයි.
ඉන්දියානු සාගර කලාපයේ පුළුල් පරාසයක විහිදී ඇති ප්‍රමුඛ විවේක ගමනාන්තයන් වෙත පහසුකම් ලබා දෙමින් ගුවන් සේවය කොළඹ කේන්ද්‍රය හරහා සීෂෙල්ස් වෙත ද සංචාරකයින් සම්බන්ධ කරයි.
මෙවර සම්මාන උළෙලේ දී අනෙක් සම්මානලාභීන් වූයේ ඩුබායි ජාත්‍යන්තර ගුවන්තොටුපළ, හිල්ටන් ලන්ඩන් හීත්‍රෝ ගුවන්තොටුපල, Sandals Grenada, The Algarve පෘතුගාලය, හොලිඩේ ඉන් එක්ස්ප්‍රස්, ජේ. ඩබ්ලිව්. මැරියට්, හර්ට්ස් සහ නෝර්වීජියානු Cruise Line ය.
ලෝක සංචාරක සම්මාන උළෙල මේ වසරේ දී 27 වන සංවත්සරය ද සනිටුහන් කළ අතර සංචාරක ක්‌ෂේත්‍රයේ විවිධ අංශ හඳුනාගැනීමටත්, සංචාර ඇතුළු විශිෂ්ටතා ඇගයීමටත් 1993 වසරේ දී ස්‌ථාපිත කර ඇත. ලෝක සංචාරක සම්මාන ප්‍රධානෝත්සවය ලොව විශිෂ්ටතම වෙළඳ නාම විශිෂ්ටත්වය අගයනු ලබන සම්මාන උළෙලක් බව ගෝලීයව පිළිගනී.
The post ශ්‍රීලංකන් ගුවන් සේවය ලෝක සංචාරක සම්මාන උළෙලෙ හී දී ඉන්දියානු සාගර කලාපය වෙත පියාසර කරන ලොව ප්‍රමුඛතම ගුවන් සේවය ලෙස අඛණ්ඩව පස්වන වරටත් සම්මානයට පාත්‍රවෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka