සෞදියේදී වෙඩිතබා ඝාතනය කළ ගාල්ලේ ප‍්‍රියන්තාගේ දේහය මෙරටට

සවුදි අරාබියේ සේවය කළ නිවසේ වෙසෙන මානසික රෝගී තත්වයේ සිටි තරුණයෙකුයැයි සඳහන් පුද්ගලයෙකු වෙඩි තබා ඝාතනය කළ ගාල්ලේ වඳුරඹ ප‍්‍රියන්තා ජයසේකර මහත්මියගේ දේහය අද (17) පෙරවැරවේ මෙරටට එවනු ලැබ තිබිණි.

37 හැවිරිදි ප‍්‍රියන්තා ජයසේකර මහත්මිය සවුදියේ සේවය කළ නිවසේ හාම්පුතාගේ පුතෙකු විසින් මෙම වෙඩි තැබීම සිදුකර තිබුණේ ඉකුත් මාර්තු 10 වැනි දාය. පසුව එම තැනැත්තා මානසික රෝගියකු බව වාර්තා කර ඇත.

මියගිය ප‍්‍රියන්තාගේ සිරුර අද (17) උදේ 6.15 ට කටුනායක ළඟා වූ ගුවන් යානයකින් මෙරටට එවා තිබු අතර විදේශ සේවා කාර්යංශයේ නිලධාරින් විසින් ඥාතීන් වෙත භාරදීමට කටයුතු කළේය.

තිදරු මවක වන ජයසේකර මහත්මිය ඉකුත් වසරේ අපේ‍්‍රල් 25 වැනි දා විදේශ ගතවූ අතර ලියාපදිංචිය ලබා ගෙන නිත්‍යානුකූලව විදේශ ගතවූ අයෙක් යැයි කාර්යංශය කියයි.

ඇයගේ හිමිකම් වෙනුවෙන් කාර්යංශයත් සවුදියේ ශ්‍රී ලංකා තානාපති කාර්යාලයත් කටයුතු කරමින් සිටින බව ද විදේශ සේවා කාර්යංශයේ ප‍්‍රකාශකයෙක් පැවසීය

The post සෞදියේදී වෙඩිතබා ඝාතනය කළ ගාල්ලේ ප‍්‍රියන්තාගේ දේහය මෙරටට appeared first on Colombo Today.





Source From colombotoday
Author: Admin
#SriLanka #News #lka

Powered by WPeMatico