සිලෝන් වේස්ට් බැර ලෝහ පරිසරයට – පරිසර අධිකාරිය නිහඬයි #SriLanka #LKA

සිලෝන් වේස්ට් බැර ලෝහ පරිසරයට - පරිසර අධිකාරිය නිහඬයි

කර්මාන්ත ශාලාව පිහිටා ඇති ස්ථානය ගූගල් මගින් දිස්වන අාකාරය

cylon weast 1

සිලෝන් වේස්ට් මැනේජ්මන්ට් අබලි ද්‍රව්‍ය හා විද්‍යුත් අපද්‍රව්‍ය ප‍්‍රතිචක්තීකරණය සඳහා මෙම ආයතනය ආරම්භ කරන්නේ මධ්‍යම පරිසර අධිකාරියේ සුවිශේෂි නීති රෙගුලාසිවලට එකඟවයි. 2008 නිකුත් කරන ලද අතිවිශේෂි ගැසට් පත‍්‍ර අංක 1534×18 අනුව උපද්‍රව්‍යකාරි ඉලෙක්ට්‍රොනික අපද්‍රව්‍ය යනු පරිසරයට හා මානව සමාජයට බරපතල ගැටලු ඇති කරවිය හැකි අබලි ද්‍රව්‍ය නිසා ඒවා ගබඩා කිරීම, ප‍්‍රවාහනය කිරීම, අසුරා තැබීම ප්‍රතිචක්‍රීකරණය කිරීම හෝ ප්‍රතිචක්‍රීකරණය ආයතනවලට ගෙන යාම සියල්ල මධ්‍යම පරිසර අධිකාරියේ අනුමැතිය සහිතව කළ යුතු අතර එම අනුමැතිය ලබා දීමෙන් අනතුරුව එකී කොන්දේසිවලට යටත්ව ක‍්‍රියා කළ යුතුයි.

දෙදහස් දහය වර්ෂයේ ගොඩපරහේන ප්‍රදේශයේ ආරම්භ කරන ලද අබලි ද්‍රව්‍ය හා අනතුරුදායක ඉලේක්ට්‍රොනික අපද්‍රව්‍ය ප්‍රතිචක්‍රීකරණය ආයතනය කර්මාන්ත ශාලවලින් හො නොයෙක් ආයතනවලින් ලැබෙන අනතුරුදායක ඉලෙක්ට්‍රොනික අපද්‍රව්‍ය විශාල වශයෙන් ගොඩපරහේන ප‍්‍රදේශයේ ඇති සිය කර්මාන්ත ශාලාවට ගෙනවිැත් දමන අතර ඒවා ගොඩ ගසා ඇත්තේ පරිසරයට හා මානව සෞඛ්‍යයට ඉතාමත් හානිකරන ආකාරයටයි.

එළිමහනේ විශාල වශයෙන් ගොඩ ගසා ඇති මෙම අපද්‍රව්‍ය නිසා වර්ෂා අවස්ථාවලදී ජලයට ඊයම් ඇතුළු බැරලෝහ ජලයට හා පොළොවට එකතු වේ. කර්මාන්ත ශාලාවෙන් වර්ෂා කාලයේ පිටවන ඊයම් හා අනෙකුත් බැරලෝහ සහිත ජලය කෘෂිකර්ම ඉඩම්වල, ප‍්‍රදේශයේ කාණු පද්ධතිවල, නිවාස ආශ‍්‍රිතව තැන්පත් වීම සිදුවේ.

එයින්ද නොනැවතී මෙකී ආයතනයේ උපද්‍රව්‍යකාරී ඉලෙක්ට්‍රොනික අපද්‍රව්‍ය බිඳීම සිදු කරන්නේ විවෘත භූමියකය. ඒ ඇතැම් රූපවාහිනි, පරිගණක වැනි ද්‍රව්‍ය කඩා බිඳ දමන්නේ කිසිදු යන්ත‍්‍ර උපකරණ භාවිතයෙන් නොව පොළොවේ ගසා බිඳ දමමින්ය. අනතුරුව ඒවා ගෝනි තුළ බහලා අනාරක්ෂිත ලෙස ගොඩ ගසා තබනු ලබයි. මෙම පරිගණක හා රූපවාහිණි යන්ත‍්‍ර ඇතුළු උපද්‍රව්‍යකාරී විද්‍යුත් අපද්‍රව්‍ය බිඳ දමන විට විශාල ශබ්දයක් ප‍්‍රදේශය පුරා පැතිරෙන අතර සුළඟ මගින් ඊයම් අංශු හා උපද්‍රවකාරී සියුම් අංශු සුළඟට මුසුවන අතර අවට නිවාස, වගා බිම් හා පරිසරය පුරා ඒවා පැතිරේ. මේ අනුව මෙම කර්මාන්ත ශාලාව ගොඩපරහේන ප‍්‍රදේශයේ මේ වන විට බරපතල පාරිසරික හානියක් හා මානව සෞඛ්‍යයට හානි සිදු කරමින් ඇත.

මධ්‍යම පරිසර අධිකාරිය මඟින් මෙවැනි කර්මාන්ත ශාලාවක් ආරම්භ කිරීම සඳහා පාරිසරික ආරක්ෂණ බලපත‍්‍රයක් නිකුත් කළ යුතු අතර එකී බලපත‍්‍රයක් මධ්‍යම පරිසර අධිකාරියට නිකුත් කළ හැක්කේද මෙවන් ආයතනයක පිහිටීම හා පරිසර ආරක්ෂාව වෙනුවෙන් ගෙන ඇති පියවරයන් සම්බන්ධව සලකා බලමිනි. කර්මාන්ත ශාලාවක ඇති විය හැකි හදිසි තත්ත්වයන් සලකා බලා මෙවැනි ආයතනයක් ස්ථාපිත කළ හැක්කේ ජනාවාසවලින් බැහැරව විය යුතුව ඇතත් සිලොන් වේස්ට් මැනේජ්මන්ට් ආයතනය පිහිටා ඇත්තේ ජනාවාස පිහිටි ප‍්‍රදේශයකයි. එම නිසා මෙම අයතනය විසින් මේ වන විට සිදු කරමින් තිබෙන සියලු ආකාරයේ පරිසර විනාශයන් ප‍්‍රබලවම ප‍්‍රදේශවාසී ජනතාවට දැනෙමින් ඇත.

cylon weast 2

ඉහත පෙන්වා දුන් කර්මාන්ත ශාලාව මගින් නිකුත් කරන ලබන බැරලෝහ මේ වන විටත් ප‍්‍රදේශයේ පසට හා භූගත ජලයට එක්වී හාමාරය. භූවිද්‍යා හා පතල් කාර්යාංශයේ විද්‍යාගාර සමීක්ෂණ අංක Al/17/83 මඟින් පෙන්වා දෙන ආකාරයට පර්යේෂණයට ලක් කළ ප‍්‍රදේශයෙන් ලබාගත් ජලයේ බරපතල ලෙස කැඩ්මියම්, මර්කරි හා රසදිය වැනි බැරලෝහ අඩංගුව ඇත.

මේ ජල සාම්පල පරීක්ෂාවට අනුව ඉතාමත් පැහැදිලි වන කාරණය නම්ගොඩපරහේන ප‍්‍රදේශයේ කර්මාන්ත ශාලාව අවට ජලයෙහි කැඩ්මියම්, ඊයම්, මර්කරි ශ‍්‍රී ලංකාවේ ජලයේ තිබිය යුතු ප‍්‍රමිති තත්ත්වයන් ඉක්මවා ගෙස් ඇති අතර එම ප‍්‍රදේශයේ ජල සාම්පල්වල අඩගංගු වන ඊයම් ප‍්‍රමාණය තිබිය යුතු ප‍්‍රමිති තත්ත්වයට වඩා 20 ගුණයකින් වැඩිය.

ලෝක සෞඛ්‍ය සංවිධානයට අනුව තිබිය යුතු ප්‍රමාණයන්ට වඩා කැඩිමියම් වාර්තා වීම තුළ ඒම ප‍්‍රදේශවල ජන ජීවිත හා පරිසරය බරපතල අනතුරකට ඇද දමන්නකි. එම සංවිධානය පෙන්වා දෙන අාකාරයට ජලයට හෝ වාතයට මුදාහැරෙන කැඩ්මියම් මඟින් මනාව සෞඛ්‍යයට හානිකරන අතර විශේෂයෙන් වකුගඩු රෝග වැනි බරපතල සෞඛ්‍ය අවධානමක් ප‍්‍රදේශවල ජනතාවට ඇති විය හැකිය. පරිසරයට පතිත වන කැඩ්මියම් විසින් සතුන්ගෙ සිරුරුවලට බිමට ගන්නා ජලය මගින් ඇතුළු විය හැකි අතර ශාක මත පතිත වන කැඩ්මියම් අනු ආහාර දාම හරහා මිනිස් සිරුරට මෙන්ම සතා සිව්පාවගේ සිරුරුවලට ද ඇතුළත් වේ.

ඇමරිකානු එක්සත් රාජධානියේ පරිසර ආරක්ෂණ ඒජන්සිය (US EPA) දක්වන අන්දමට මිසිසිපි ගංගාව ආශ්‍රිත කළ පර්යේෂණ අනුව තහවුරු වී ඇත්තේ ජලයෙහි හා පරිසරයේ රසදිය ප‍්‍රමාණය තිබිය යුතු ප‍්‍රමාණයට වැඩි වීම තුළ එවන් ප්‍රදේශවල ජීවත් වන කුඩා දරුවන් හා ගැබිනි මව්වරුන් රෝගීන් බවට පත්වීමට ඇති ඉඩකඩ වැඩි බවයි. විශේෂයින්ම දරුවන්ගේ වර්ධනය වන කාලය තුළ රසදිය සිරුරට ඇතුල් වීම හේතු කොටගෙන විකෘතිතා ඔවුන් තුළ ඇති විය හැකිය.

මෙම තත්ත්වය ගස්වැල් හා සතුන්ට ද පොදු වන අතර ජෛව විවිධත්වය විනාශ වී යාම හා ආහාර විෂ වීමටද රසදිය බලපානු ලබයි. රසදිය තේ හැදි භාගයක් මගින් අක්කර විසිපහක විශාල ජලාශයක් වුව විනාශ කළ හැකි අතර සෑම දිනකම සිලෝන් වේස්ට් සමාගම මගින් පොළොවට එක්කරන රසදිය මගින් ගොඩපරහේන පමණක් නොව තවත් ප‍්‍රදේශ ගණනාවක ජලය තවත් වසර කිහිපයකින් විනාශ විය හැකිය.

ඇමරිකානු රජය විසින් 2000 වර්ෂයේ ඔක්තෝබර් මස වාර්තා කර ඇති අාකාරයට සතුන්ගේ මිනිසුන්ගේ හා ශාකවල උත්පාදනයට, පැටවුන් බිහි කිරීමට බරපතල ලෙස හානි කිරීම මර්කරි නැමති වීෂ රසායන ද්‍රව්‍ය මගින් සිදුකරනු ලබයි.

ලෝක මට්ටමේ සිදුකළ පර්යේෂණ ගණනාවක් පෙන්වා දෙන්නේ ඉහත පෙන්වා දුන් බැරලෝහ මානව සෞඛ්‍යට මෙන්ම පරිසරයට ද එහි සතා සිව්පාවටද බරපතල ලෙස හානි කරන බවයි. ඒ අනුව ගොඩපරහේන ප‍්‍රදේශය පුරා ඇති වී ඇති බරපතල පාරිසරික ගැටලුව සෞඛ්‍ය ගැටලු ගණනාවක ආරම්භයයි. රතු පස්වල විනිගෝස් කර්මාන්ත ශාලාව තුළද සිදු වූයේ මෙවන් ක‍්‍රියාදාමයකි. මේ වන විට ප‍්‍රදේශයේම ජලය විනාශ වී ගොස් ඇති අතර වකුගඩු රෝගීන්, විවිධ උණතා ඇති දරුවන් හා හමේ රෝග සහිත රෝගීන් වාර්තා වේ. ගොඩපරහේන ප‍්‍රදේශයෙත් ඇති විය හැකි තත්ත්වයද මෙයයි.

කෙසේ වෙතත් මෙම නීති විරෝධී පරිසරය වනසන කර්මාන්ත ශාලාව සම්බන්ධව ප‍්‍රදේශවාසී ජනතාව හෝමාගම මහේස්ත‍්‍රත් අධිකරණයේ නඩු අංක 76761 යටතේ නඩුවක් ගොනු කර තිබූ අතර සිය නඩු තීන්දුව ප‍්‍රකාශයට පත් කරමින් හෝමාගම මහේස්ත‍්‍රත් අධිකරණය ප‍්‍රකාශ කර ඇත්තේ කර්මාන්ත ශාලාව පවත්වාගෙන යන්නේ නම් එය පරිසරයට හා මහජනතාවට හානියක් නොවන පරිද්දෙන් සිදු කළ යුතු බවයි.

අද වනතෙක් මෙම කර්මාන්ත ශාලාව ඉහතින් පෙන්වා දුන් පාරිසරික ව්‍යවසනය සිදු කරමින් ඇති අතර එය දණ්ඩ නීති සංග‍්‍රහයේ 98: 1 අනුව විශාල මහජන පීඩාවක්ය. ඒසේම නීත්‍යානුකූල අපරාධයකි. මෙම පරිසර ව්‍යවසන සම්බන්ධ නොයෙක් ආයතනවලට දැනුම් දී ඇති අතර මධ්‍යම පරිසර අධිකාරිය, භූ විද්‍යා හා පතල් කැණිම් කාර්යාංශය, හෝමාගම ප‍්‍රාදේශීය සභාව මගින් මෙම ආයතනය විසින් සිදුකරන විනාශය තහවුරු කර ඇත. (සම්පූර්ණ අධිකරණ වාර්තාව පහතින් දක්වා ඇත.)

සිලෝන් වේස්ට් ආයතනය මෙලෙස කරන විනාශය තහවුරු වී තිබියදීත් ජාතික පාරිසරික පනත ඇතුළු අණ පනත් ගණනාවක් කඩකර පවත්වාගෙන යන මෙම පරිසර දූෂක කර්මාන්ත ශාලාව වසා දැමීමට මධ්‍යම පරිසර අධිකාරිය ක‍්‍රියා කර නොමැත.

මෙම වසරේදී අවශ්‍ය අනුමැතිය පරිසර අධිකාරිය විසින් ඔවුනට ලබා දී නොමැති අතර අනුමැතිය ලබා නොදී තිබීයදීත් මෛ පාරිසරික විනාශය කරගෙන යන්නේ නම් එම නීති විරෝධී ක‍්‍රියාවලියට එරෙහිව පරිසර අධිකාරිය ක‍්‍රියා කළ යුතුය.

1980 අංක 47 දරණ ජාතික පාරිසරික පනතේ සංශෝධිත 53 /2000 පනත් කෙටුම් පත් අනුව දඬුවම් ලබා දිය හැකි තත්ත්වයක් තිබියදීත් ඒසේ නොකරන්නේ නම් මධ්‍යම පරිසර අධිකාරිය ද නීතිවීරෝධි මෙම කර්මාන්ත ශාලාව තවදුරටත් පවත්වාගන යාම සඳහා උදව් උපකාර කිරීම මගින් නීතිය රැකීමට අණදෙන ආයතන නීතිය කඩමින් සිටින බව ඔප්පු කරමින් සිටිනු ඇත.

රවීන්ද්‍ර කාරියවසම්

 





Source From lankanewsweb
Author:
#SriLanka #News #lka

Powered by WPeMatico