සිංගප්පූරු වෙළද ගිවිසුමෙන් ශ්‍රී ලංකාව ආසියාවේ කුණු බක්කිය වෙයි

සිංගප්පූරුව සහ ශ්‍රී ලංකාව අතර අත්සන් කරන ලද වෙළඳ ගිවිසුම සම්බන්ධයෙන් කැබිනට් මණ්ඩලය හෝ රජයේ වගකිව යුතු පාර්ශව විසින් කිසිදු අධ්‍යනයක් සිදු කර නොමැති බවත් මෙම ගිවිසුම හරහා ශ්‍රි ලංකාවේ සේවා වෙළඳපොළ සම්පූර්ණ වශයෙන්ම සිංගප්පූරුවට විවෘත වන බවත් අන්තර් සමාගම් සේවක සංගමයේ කැඳවුම්කරු වසන්ත සමරසිංහ මහතා පවසයි.

ශ්‍රී ලංකා සිංගප්පූරු වෙළඳ ගිවිසුම සම්බන්ධව තත්වය පැහැදිලි කිරීම සඳහා මේ වන විට ජනතා විමුක්ති පෙරමුණේ පැලවත්ත ප්‍රධාන කාර්යාලයේ දී අද(12) මේ මොහොතේ පැවැත්වෙන මාධ්‍ය හමුවට එක් වෙමින් ඔහු මේ බව අවධාරණය කරන ලදී.‍ෙ

වසන්ත සමරසිංහ මහතා මෙම මාධ්‍ය හමුව අමතමින් මෙසේද පැවසීය.

අත්සන් කළ ශ්‍රී ලංකා සිංගප්පූරු වෙළඳ ගිවිසුම නිසා ශ්‍රී ලංකාවේ සේවා වෙළඳපොළ සම්පූර්ණයෙන්ම සිංගප්පූරුවට විවෘත වන අතර සිංගප්පූරු ආනයන සඳහා අය කරන බදු 80%කින් ඉවත් කිරීමට ද එකඟතාවය පළ කර ඇතැයි ඒ මහතා පවසයි. මේ හරහා මෑන්පවර් සේවා පවත්වාගෙන යාමට ද සිංගප්පූරු ව්‍යාපාරිකයන්ට අවස්ථාව ලැබීම සිදුවේ.

මේ පිළිිබඳ යෝජනාව කැබිනට් මණ්ඩලයට රැගෙන එන්නේ 2017 දෙසැම්බර් 22 දාය. එය 2018 ජනවාරි 22 වන දා සම්මත කරන්නේ ඒ පිළිබඳව කැබිනට් මණ්ඩලයේ හෝ නිසි අධ්‍යනයකින් තොරවයි. කිසිඳු කැබිනට් අමාත්‍යවරයෙක් මෙම ගිවිසුම කියවා නොමැති බවත් කිසිදු අමාත්‍යවරයෙක් මේ පිළිබඳව අධ්‍යනයක් සිදුකර නොමැතිබවත් වසන්ත සමරසිංහ මහතා පවසයි.

මෙම මාධ්‍ය හමුව පිළිබඳ වැඩිදුර විස්තර බලාපොරොත්තු වන්න…

සිංගප්පූරුවෙන් සෑදු ගිවිසුමකට ආණ්ඩුව අත්සන් කරලා, අපේ රට ආසියාවේ කුණු බක්කිය වේවි…

වසර කිහිපයක සිට ලෝකයේ රටවල් අතර ද්වීපාර්ශ්වික වෙළඳ ගිවිසුම් පිළිබඳ සාකච්ඡුාවක් මතුවෙලා තිබෙනවා. ඒ අනුව තමයි සීපා, එට්කා වැනි ගිවිසුම් පිළිබඳව මාතෘකාව එන්නේ. ලංකාව සහ ඉන්දියාව අතර අත්සන් කිරීමට නියමිතව තිබූ එට්කා ගිවිසුම ද්වීපාර්ශ්වික වෙළඳ ගිවිසුමක් විදිහටයි එන්නේ. ලෝක වෙළඳ සංවිධානයේ ප‍්‍රතිපත්ති මේ වනවිටත් ලෝකය පුරා ප‍්‍රබල විවේචනයකට ලක්වෙමින් තිබෙන බැවින් ඔවුන් එම සාකච්ඡුා පවත්වන්නේ රහසිගතව හෝ දැඩි ආරක්‍ෂාව මධ්‍යයේයි. ලෝක වෙළඳ සංවිධානයේ ප‍්‍රතිපත්ති නිසා ලෝක ආර්ථිකය බරපතළ ලෙස බිඳ වැටීමකට ලක්වෙලා තිබෙනවා. එම නිසා ලෝක වෙළඳ සංවිධානය 2005-2005 කාලයේ පටන් රටවල් පෙළඹවූයේ ද්වීපාර්ශ්වික වෙළඳ ගිවිසුම් අත්සන් තැබීම සඳහායි. ඒ සඳහා ගැට්, ගැට්ස්, වැනි වෙළඳ සම්මුතීන් ලෝක වෙළඳ සංවිධානය විසින් හඳුන්වාදී තිබුණා. ඒවා හඳුන්වා දී තිබෙන්නේ වෙළඳපොළ නිදහස්කරණයට අදාළ නීතිමය තත්වයන් සම්පූර්ණ කිරීමටයි. ඒවාට අනුව ශී‍්‍ර ලංකා ආණ්ඩුවත් අපේ රටේ නීති හදන්න කටයුතු කළා. ප‍්‍රපාතන විරෝධී ප‍්‍රතිතෝලන බදු පනත සහ ආරක්‍ෂණ පියවර බදු පනත ලංකාව තුළ සම්මත කරගත යුතුව තිබුණා. 2006 මාර්තු මාසයේ 30වැනිදා මෙම පනත පාර්ලිමේන්තුවට ආපු වෙලාවේ මෙම පනත්වලට ජවිපෙ අපි විරුද්ධ වුණා. මෙම පනත් මගින් ලංකාවේ ආර්ථිකයට ආරක්‍ෂාවක් සැලසෙන්නේ නැහැ. විවිධ විරෝධයන් නිසා 2006 සිට 2008 වෙනකල් සම්මත කරගැනීමට නොහැකි වුණා. එවකට වෙළඳ ඇමතිවරයා වූ ජෙයරාජ් ඇමතිවරයා සමඟත් අනතුරුව ජී.ඇල්. පීරිස් එවකට ඇමතිවරයා සමගත් අපි මේ පනත් පිළිබඳව සාකච්ඡුා කළා. එමගින් අපේ රටේ වෙළඳාම අහෝසි වන තත්වයක් උද්ගතවන බව පෙන්වා දුන්නා. කුඹුරේ වැඩ කරන ගොවියාගේ, රා නිෂ්පාදකයාගේ සිට වෘත්තීය ජීවිතය අවසන් වෙනවා. එනිසාම ඒ පනත් හකුළා ගන්න සිදුවුණා. නමුත් 2018 නැවතත් මේ පනත් පිළිබඳව සාකච්ඡුාව මතුවෙනවා. මෙම පනත් දෙක 2018 මාර්තු මාසයේ පාර්ලිමේන්තුවේදී සම්මත වෙනවා.

මේ අතර ශී‍්‍ර ලංකාව සහ සිංගප්පූරුව අතර අත්සන් කෙරුණු ගිවිසුම අරුම පුදුම ගිවිසුමක් ලෙස සාකච්ඡුාවට ලක්වෙලා තිබෙනවා. ප‍්‍රපාතන විරෝධී ප‍්‍රතිතෝලන බදු පනත සහ ආරක්‍ෂණ පියවර බදු පනත යන පනත් දෙක අත්සන් කිරීමෙන් පසු වෙනත් රටවල් සමඟ ද්වීපාර්ශ්වික ගිවිසුම් අත්සන් කිරීමට නීතිමය තත්වය ගොඩනැගෙනවා. අපි සිංගප්පූරුව සමඟ ද්වීපාර්ශ්වික ගිවිසුම අත්සන් කළාට පසුව ඉන්දියාවට, ඇමරිකාවට, ජපානයට හෝ වෙනත් රටක් සමඟ ද්වීපාර්ශ්වික ගිවිසුම් අත්සන් කිරීම ප‍්‍රතික්‍ෂේප කරන්න බැහැ. එනිසා දැන් අපේ ආර්ථිකයේ සියලූම දොරටු විවෘත කරලයි තියෙන්නේ. ඕනෑම රටකට අපේ රටේ ආර්ථිකයට ඇතුල් වෙන්න පුළුවන්. එවැනි තත්වයක් තුළ අපේ රටේ භාණ්ඩ හා සේවා වෙළඳපොළ ශක්තිමත් නැතිනම් අපේ රටේ ආර්ථිකය අහෝසි වෙනවා.

සිංගප්පූරු ගිවිසුම අත්සන් කරනු ලබන්නේ 2018 ජනවාරි 23වැනිදා. එය මැයි මස 01වැනිදා සිට කි‍්‍රයාත්මක කිරීමට නියමිතයි. පිටු 1083ක් වැනි විශාල ගිවිසුමක් අත්සන් කර තිබෙන්නේ මාසයක් වැනි කාලයක් තුළදීයි. පිටු 1083ක් සහිත ගිවිසුමක් මාසයක් ඇතුළත පරිශීලනය කරලා ලංකාවට තිබෙන වාසි අවාසි සාකච්ඡුා කරන්න කැබිනට් ඇමතිවරුන්ට පුළුවන් වුණාද? එම නිසාම මෙම ගිවිසුමේ නීත්‍යානුකූල නොවන දේවල් තිබෙනවා. 2017.12.22 තමයි මෙම ගිවිසුම පිළිබඳව පළමු කැබිනට් සංදේශය එන්නේ. පසුව 2018 ජනවාරි 02 සහ 09 සාකච්ඡුා කොට මෙම ගිවිසුම නීතිපතිට යොමු කරලා නීතිපති දෙපාර්තමේන්තුවේ සංශෝධනවලට යටත්ව අත්සන් කිරීමට තීරණය කරනවා. ඒ අනුව 2018 ජනවාරි 16වැනිදා ඊළඟ කැබිනට් මණ්ඩලයේ අනුමැතිය ලබාදී 23වැනිදා ගිවිසුම් අත්සන් කරනවා. අපි අභියෝග කරනවා කැබිනට් මණ්ඩලයේ එක් කෙනෙක්වත් මේ ගිවිසුම කියවලා නැහැ කියලා. අමාත්‍යාංශයේ නිලධාරීන්වත් මෙය පරිශීලනය කරලා නැහැ. එනිසා තමයි නීති විරෝධී කරුණු ගිවිසුමේ ඇතුළත් වෙන්නේ. මෙම ගිවිසුමේ සඳහන් වෙනවා, ‘ප‍්‍රපාතන විරෝධී ප‍්‍රතිතෝලන බදු පනත සහ ආරක්‍ෂණ පියවර බදු පනත්වල කරුණු ගිවිසුමේ කරුණුවලට අනුගත කරගන්නවා’ කියලා. නමුත් බරපතළම කාරණය වෙන්නේ 2018 ජනවාරි 23වන විට එම පනත් දෙක සම්මත වී නොතිබීමයි. සම්මත වී නොතිබෙන පනත් දෙකක් පවා ගිවිසුමට ඇතුළත්කර තිබෙන්නේ කොහොමද? අනෙක් අතට 1994 සිට සම්මත කරගන්න බැරිවුණු මෙම පනත් 2018 මාර්තු මාසයේ සම්මත වන විටත් විරුද්ධ වුණේ ජනතා විමුක්ති පෙරමුණ පමණයි. මෙම පනත් කඩිනමින් සම්මත කරගත්තේ සිංගප්පූරු ගිවිසුම බලාත්මක කරගන්නයි. දැන් ශී‍්‍ර ලංකාවේ ආර්ථිකය සිංගප්පූරුවට හිරකරලා ඉවරයි. ඒ වගේම මෙම ගිවිසුම විශ්වාස කරන්න බැරි ගිවිසුමක්.

මෙම ගිවිසුමේ අවාසි ගණනාවක් තිබෙනවා. ආණ්ඩුව රටට කියන්නේ මෙම ගිවිසුම මගින් අපේ රටේ භාණ්ඩ අපනයනයට අවස්ථාවක් ලැබෙනවා කියලා. නමුත් 2017දී සිංගප්පූරුවට අපනයනය කර තිබෙන්නේ ඩොලර් මිලියන 133ක භාණ්ඩ පමණයි. එම වසරේම අපි ඩොලර් මිලියන 1350 භාණ්ඩ ආනයනය කොට තිබෙනවා. ඒ වගේම ආණ්ඩුව යෝජනා කරනවා වසර 12ක් ගතවන විට අප විසින් ආනයනය කරන බදුවලින් 80%ක් නිදහස් කරන්න. එමගින් අපේ රටට විශාල බදු ප‍්‍රමාණයක් අහිමි වෙනවා. අපේ රටේ භාණ්ඩ හා සේවා වෙළඳපොළ නිදහස් කිරීමෙන් රටේ ආර්ථිකයට විශාල බලපෑමක් එල්ල වෙනවා. දැනට තිබෙන නීති අනුව විදේශිකයින්ට අපේ රටේ සමාගම්වල කොටස් 40%කට වඩා මිලදී ගන්න බැහැ. නමුත් මෙම ගිවිසුම මගින් විදේශීය ආයෝජකයින්ට විශාල අවස්ථාවක් උදා වෙනවා. මෑන් පවර් සමාගම් මගින් වඩු බාස්ලා, මේසන් බාස්ලා පවා මේ රටේ සේවයට යොදවන්න පුළුවන්. ඒ අනුව ගත්තාම සිංගප්පූරුවේ වෙළඳ අමාත්‍යාංශය හදපු ගිවිසුමකටයි ලංකාවේ ආණ්ඩුව අත්සන් කොට තිබෙන්නේ. සිංගප්පූරුව කියන්නේ ලෝක වෙළඳ සංවිධානයේ ප‍්‍රබල සාමාජිකයෙක්.

රටක් විදිහට අපි රටේ ආර්ථිකය සම්බන්ධයෙන් ආරක්‍ෂාව තහවුරු කරගත යුතුව තිබෙනවා. නමුත් ආණ්ඩුව ඊට අසමත් වෙලා තිබෙනවා. ලෝක වෙළඳ සංවිධානය සමඟ සම්මුතීන් කි‍්‍රයාත්මක කිරීමට ගිවිසුම් අත්සන් කොට තිබෙනවා. එනිසාම මෙම සිංගප්පූරු වෙළඳ ගිවිසුමේ මුල් කොටසේම සඳහන් කරලා තිබෙනවා, ලෝක වෙළඳ සංවිධානයේ මුල් සම්මූතීන්ට අනුව මෙම ගිවිසුම කි‍්‍රයාත්මක කරනවා කියලා. එම ගිවිසුම අත්සන් කොට තිබෙන්නේ අපේ රටට ලැබෙන බදු ආදායම් අහිමි කරගෙනයි. නමුත් ආණ්ඩුව රටට ලැබෙන වාසිය මොකක්ද කියලා ගණන් බලලා නැහැ. ආණ්ඩුවවත් ඇමතිවරයාවත් අමාත්‍යාංශ ලේකම්වරයාවත් රටට සිදුවෙන හානිය තක්සේරු කරලා නැහැ. අඩුම තරමේ ගිවිසුමේ පිටු පෙරළලාවත් බලන්න ඇමතිවරු කටයුතු කරලා නැහැ. ලෝකයේ වේගවත්ම කී‍්‍රඩකයා සමඟ දුවන්න අපේ රටේ පුංචි බණ්ඩයියා තරෙඟට දානවා වගේ ලෝකයේ වෙළඳපොළ වන සිංගප්පූරුව සමඟ ශී‍්‍ර ලංකාව ගිවිසුමක් අත්සන් කොට තිබෙනවා. සිංගප්පූරුව සමඟ අත්සන් කළ ගිවිසුම කි‍්‍රයාත්මක වීමත් සමඟ ලෝකයේ අනෙකුත් සියලූ රටවල්වලට අපේ රට සමඟ වෙළඳ ගිවිසුම් අත්සන් කරන්න අවස්ථාව උදා වෙනවා. අපේ රටේ වෙළඳාම සිංගප්පූරුවට නිදහස් කරනවා නම් ඉන්දියාවටත් නිදහස් කරන්න වෙනවා. ඒ අනුව ඉන්දියාව සමඟ එට්කා ගිවිසුම අත්සන් කරන්නම සිදුවෙනවා. අකැමැති වුවහොත් ඉන්දියාවට ජාත්‍යන්තර වෙළඳ නීතිවලට අනුව කි‍්‍රයාමාර්ග ගන්න හැකියාව තිබෙනවා.

මෙම ගිවිසුම මගින් ඉදිකිරීම් ක්‍ෂේත‍්‍රය, බලශක්ති ක්‍ෂේත‍්‍රය පරිසර ක්‍ෂේත‍්‍රය, මූල්‍ය ක්‍ෂේත‍්‍රය, බුද්ධිමය දේපළ වෙළඳ ප‍්‍රචාරණය, නිෂ්පාදන ක්‍ෂේත‍්‍රය, විද්‍යා හා තාක්‍ෂණ, සුළු හා මධ්‍ය පරිමාණ කර්මාන්ත, ප‍්‍රවාහන හා යටිතල පහසුකම් ඇතුළු ක්‍ෂේත‍්‍ර ගණනාවක් ආවරණය වෙනවා. ඒ අනුව සිංගප්පූරුවට අපේ රටේ සියලූම ආර්ථික ක්‍ෂේත‍්‍රයන්වලට මැදිහත්වීමට අවස්ථාව ලැබෙනවා. අපේ රටේ කුණු ටික දාන්න තැනක් නැතිව මුතුරාජවෙලට, පුත්තලමේ අරුවක්කාරුවට, කුණු දාන්න කටයුතු කරන ආණ්ඩුව ගිවිසුම අනුව අපද්‍රව්‍ය වර්ග 64ක් ලංකාවට ගෙන ඒමේදී බදු නිදහස් කොට තිබෙනවා. ඇතැම් අපද්‍රව්‍ය පරිසරයට මුදා හරින්න බැහැ. ලොකයේ අපද්‍රව්‍ය බැහැරකිරීම් පිළිබඳව සීමා තිබෙනවා. එසේ තිබියදී මෙම ගිවිසුම මගින් ලංකාව ආසියාවේ කුණු වළ බවට පත්කරන්න අවස්ථාව හදලා දීලා තිබෙනවා. කොණ්ඩය කැපීමෙන් ඉවතලන ද්‍රව්‍යවල සිට නාගරික අපද්‍රව්‍ය, වැසිකිලි අපද්‍රව්‍ය, රෝහල් අපද්‍රව්‍ය වැනි සියලූම අපද්‍රව්‍ය සඳහා බදු නිදහස් කොට තිබෙනවා. ගිවිසුම මගින් අපේ රට සිංගප්පූරුවේ කුණු වළ බවට පත්කරන්න හදන්නේ චීනය වැනි රටවල් මෙවැනි අපද්‍රව්‍ය බැහැර කිරීම තහනම් කරන තත්වයක් යටතේදීය.

ආණ්ඩුව කියන්නේ මෙම ගිවිසුම මගින් සිංගප්පූරු වෙළඳපොළට ඇතුල් වෙන්න අපට හැකියාව ලැබෙනවා කියලා. එහෙම කියන ආණ්ඩුව වීවලට, රා සක්කරවලට තිබෙන බදු ඉවත් කරන්නේ ඇයි? සිංගප්පූරුවේ වී වගා කරන්නේ නැහැ. සක්කර හදන්නේ නැහැ. රා මදින්නේ නැහැ. නමුත් බදු ඉවත් කිරීම මගින් සිංගප්පූරුවේ ආයෝජකයින්ට වෙනත් රටවල්වලින් ගෙන්වා අපේ රටට සහල් අපනයනය කරන්න අවස්ථාව ලැබෙනවා. දැන් වී කිලෝවක් සඳහා රුපියල් 50ක බද්දකුත් 7.5%ක රේගු බද්දකුත් අය කරනවා. එමගින් ලංකාවට සහල් ආනයනය පාලනය කොට අපේ රටේ ගොවියා ආරක්‍ෂා කොට තිබෙනවා. නමුත් මෙම ගිවිසුම මගින් හාන්සි වෙලා ඉන්න ගොවියා කුඹුරේදීම මැරෙන්න කටයුතු සලස්වා තිබෙනවා. ජපානය වැනි රටවල් සහල් ආනයනය කරන්න දෙන්නේ නැහැ. ගොවියා ආරක්‍ෂා කරනවා. එම රටවල් ආහාර සුරක්‍ෂිතතාවය ගැන දැඩි අවධානයක් යොමු කරනවා. ඒ විතරක් නෙවෙයි, අපේ රටේ පොල් නිෂ්පාදකයාත් අනතුරට ලක් කරමින් කෑලි පොල්, පිටි කළ පොල් කිරි, පොල් ලෙලි ගෙන්වීමේදී තිබෙන බදු ඉවත්කොට තිබෙනවා.

මෙම ගිවිසුම කාල සීමාවක් නොමැතිව කි‍්‍රයාත්මක වීමට නියමිතව තිබෙනවා. ලංකාව විසින් මෙම ගිවිසුම අවසන් කිරීමට තීරණය කළහොත් සිංගප්පූරුවට ආර්ථිකය සම්බන්ධයෙන් ඇති ආරවුල් බේරුම්කරණ අධිකරණයට ගොස් වන්දි ලබාගත හැකියි. ඒ අනුව සිංගප්පූරුව තීරණය කරන අලාභයක් ලංකාව විසින් ගෙවීමට සිදුවෙනවා. අසීමිත කාල සීමාවකට සිංගප්පූරුව ලබන පාඩුව අපි වැනි රටක් ගෙවන්නේ කොහොමද? ඒ අනුව අකැමැත්තෙන් හෝ ගිවිසුම පවත්වා ගෙන යාමට සිදුවෙනවා. විවිධ සම්මුතීන් හරහා මෙම ගිවිසුමට අපේ රට හිර කරලා තිබෙනවා. එම නිසා මෙම ගිවිසුමේ කරුණු වෙනස් කළ යුතුව තිබෙනවා. මෙම ගිවිසුම පාර්ලිමේන්තුවේ සාකච්ඡුාවට බඳුන්කළ යුතුව තිබෙනවා. ඒ වගේම මෙම ගිවිසුමට එරෙහිව නඩු ගොනුකොට තිබෙනවා. එම නිසා ගිවිසුමේ කරුණු සමාලෝචනය කර වෙනස් කළ යුතුව තිබෙනවා. අපේ රටේ ගොවියාගේ සිට කාර්යාල සහකාර දක්වා මෙම ගිවිසුමෙන් අවදානමට ලක්කොට තිබෙනවා. සියලූම ශ‍්‍රමිකයින් පිටරටින් ගෙන්වන්න අවස්ථාව තිබෙනවා. ලෝක ආර්ථික දියුණුවත් සමග අපි ලෝකය සමග ගනුදෙනු කළ යුතු නමුත් රටේ ආර්ථිකයේත් ජනතාවගේත් ආරක්‍ෂාව තහවුරු කළ යුතුයි. එම වගකීම තිබෙන්නේ ආණ්ඩුවටයි. නමුත් සිංගප්පූරුවෙන් ලැබුණු සංතෝෂම්වලට රැුවටිලා, සිංගප්පූරු සංචාරවලට රැුවටිලා ජොලි කරපු නිලධාරීන් සහ ඇමතිවරුන් එකතු වෙලා රටේ ජනතාවගේත් රටේ ආර්ථිකයේත් ආරක්‍ෂාව ගැන නොහිතා රට අනතුරක හෙළලා ගිවිසුම අත්සන් කොට තිබෙනවා. මේ ගිවිසුම මගින් ලෝකය ඉදිරියේ අපි අවදානමට ලක්වෙලා තිබෙනවා. වසර 10-12ක් ගතවන විට අපේ රටේ ආර්ථික ක්‍ෂේත‍්‍රයේ ඉතිරිවන දෙයක් නැතිවෙනවා.

මේ ආණ්ඩුව කටයුතු කරමින් තිබෙන්නේ ඉතාමත් වගකීම් විරහිතවයි. මෑතකදී ශී‍්‍ර ලංකා මහ බැංකුව විසින් ණය පිළිබඳව වාර්තාවක් එළිදක්වලා තිබෙනවා. 2017 මහ බැංකු වාර්තාව අනුව අපේ රටේ ණය ප‍්‍රමාණය රුපියල් බිලියන 10,313යි. විගණකාධිපති වාර්තාව අනුව එම වර්ෂයේම ණය එකතුව රුපියල් බිලියන 10,701ක් වෙනවා. එය ශී‍්‍ර ලංකාවේ ආර්ථියේ 81%ක්. නමුත් මහ බැංකු වාර්තාවට අනුව එය 77.6%ක්. වෙනස 3.4%ක් වන අතර එය රුපියල් බිලියන 400ක් පමණ වෙනවා. එතරම් ණය ප‍්‍රමාණයකට මොකද වුණේ? අපේ රටේ ණය ප‍්‍රමාණය නිවැරදිව ගණනය කරගන්න බැරි පාලකයින් අත්සන් කරන ගිවිසුම් අප විශ්වාස කරන්නේ කොහොමද? එම නිසා මෙම ගිවිසුම රටට හානිකරයි. අපේ රටේ කර්මාන්තවලට හානිකරයි. එනිසා මෙම ගිවිසුම පරාජයට පත්කළ යුතුව තිබෙනවා. රටට හොරෙන් අත්සන් කරපු මෙම ගිවිසුම මගින් රට පාවාදී තිබෙනවා. මෙම ගිවිසුම පිළිබඳව ජනාධිපතිට හෝ අගමැතිට තමන් නොදන්න බව පවසන්න බැහැ. නීතිපති දෙපාර්තමේන්තුවේ අනුමැතිය එන්නත් කලින් මෙම ගිවිසුම අත්සන් කළාදැයි ප‍්‍රබල සැකයක් තිබෙනවා. එම නිසා මෙම ගිවිසුම මගින් රටට වෙන හානිය වළක්වා ගන්න ඉදිරියේදී කි‍්‍රයාමාර්ග ගන්නවා. එම ගිවිසුම මගින් බලපෑමට ලක්වෙන සියලූම ක්‍ෂේත‍්‍රවල නියෝජිතයින් සමඟ අපි සාකච්ඡුා කරනවා. ලබන 27වැනිදා ජනතාව දැනුවත් කරන සම්මන්ත‍්‍රණයක් පවත්වනවා. ඒ වගේම සියලූම ක්‍ෂේත‍්‍රවල ජනතාව සහභාගි කරවාගෙන මෙම ගිවිසුම පරාජය කිරීම සඳහා ගත හැකි සියලූ කි‍්‍රයාමාර්ග ගන්නවා.

The post සිංගප්පූරු වෙළද ගිවිසුමෙන් ශ්‍රී ලංකාව ආසියාවේ කුණු බක්කිය වෙයි appeared first on Colombo Today.





Source From colombotoday
Author: ctadmin
#SriLanka #News #lka

Powered by WPeMatico