ශ්‍රී ලංකා – ද. අප්‍රිකා 20යි 20 තරගය අද රෑ 9. 30ට

තරග 3 කින් සමන්විත ශ්‍රී ලංකා – දකුණු අප්‍රිකා පන්දුවාර 20යි 20 ක්‍රිකට් තරගාවලිය අද ආරම්භ වේ.

ශ්‍රී ලංකාව හා දකුණු අප්‍රිකාව අතර මේ දක්වා පන්දුවාර 20යි 20 තරග 10 ක් පවත්වා ඇති අතර ඉන් තරග 5 බැගින් කණ්ඩායම් දෙකම ජයගෙන තිබේ.

අවසන් වරට පසුගිය 2018 වසරේදී දකුණු අප්‍රිකාවත් සමග පැවැති පන්දුවාර
20යි 20 ක්‍රිකට් තරගයෙන් ශ්‍රී ලංකා කන්ඩායම කඩුලු 3 කින් ජය ගත්තේ ය.

ශ්‍රී ලංකා කණ්ඩායම අවසන් වරට දකුණු අප්‍රිකාවේදී පන්දුවාර 20යි 20 තරගයකට සහභාගී වූයේ පසුගිය 2016/17 වසරේදීයී.

තරග 3 කින් සමන්විත වූ එම තරගාවලිය තරග 2 ට 1 ක් ලෙස ජය ගැනීඹට ශ්‍රී ලංකා කණ්ඩායම සමත් විය.

අද තරගය පැවැත්වෙන කේප්ටවුන් ක්‍රීඩාංගණයේදී ශ්‍රී ලංකා කණ්ඩායම
පන්දුවාර 20යි 20 තරග දෙකකට සහභාගී වී ඇති අතර ඉන් එක් තරගයක් 2007 වසරේදී
ඔස්ට්‍රේලියාවට එරෙහිව කඩුලු 10 කින් පරාජයට පත්වීමට ශ්‍රී ලංකා කණ්ඩායමට
සිදුවිය.

අනෙක් තරගය දකුණු අප්‍රිකාවට එරෙහිව පැවැති අතර එම තරගය ශ්‍රී ලංකා කණ්ඩායම ජය ගත්තේ කඩුලු 5 කිනි.

රාත්‍රී තරගයක් ලෙස පැවැත්වෙන අද තරගය ශ්‍රී ලංකා වේලාවෙන් රාත්‍රී 9. 30 ට ආරම්භ වීමට නියමිතයි.

The post ශ්‍රී ලංකා – ද. අප්‍රිකා 20යි 20 තරගය අද රෑ 9. 30ට appeared first on Colombo Today.





Source From colombotoday Sport
Author: Admin
#SriLanka #News #lka

Powered by WPeMatico