වාහන දෙකක් හප්පා දියවන්නාවට පැන්න සැප රියේ හිමිකරුට අධිකරණය අද දුන් දඩුවම…

පසුගිය මාර්තු 17 වන දින අළුයම සුඛෝපභෝගී බී.එම්.ඩබ්ලිව් වර්ගයේ මෝටර් රථයක් මහමග ගමන් කරමින් තිබූ මෝටර් රථ දෙකක ගැටී දියවන්නා ඔයට පෙරළීමේ සිදුවීමට අදාල නඩුව අද කැදවූ අතර, එහිදී අදාළ රථයේ රියැදුරු වූ අමාත්‍ය කබීර් හෂීම්ගේ ඥාතියෙකු වන ෆාහිම් මොහොමඩ් හුසේන් නමැත්තාට රුපියල් හාරදහස් පන්සියයක දඩ මුදලක් නියම කිරීමෙන් අනතුරු නඩුව අවසන් කිරීමට කඩුවෙල මහේස්ත්‍රාත්වරයා නියෝග කළේය.

එම රථය ඔයට පෙරැළිමෙන් පසු මෝටර් රථයේ රියදුරු ලෙස කටයුතු කල සැකකාර පුද්ගලයා පලා ගොස් තිබිණි.

පසුව එම සැකකරු ඉකුත් මාර්තු මස 20 වන දින කඩුවෙල අධිකරණයට භාර වීමෙන් පසු ඉකුත් මාර්තු මස 27 වන දික්වා රක්ෂිත බන්ධනාගාර ගත කොට එදින පැවැති නඩු විභාගයේදී රුපියල් ලක්ෂ දෙක බැගින් වූ ශරීර ඇප දෙකක් මත මුදා හැරීමට නියෝග කර තිබිණි.

ඒ අනුව අද කැඳවු නඩුවේදී සියලු කරුණු සලකා බලමින් මහෙස්ත්‍රාත්වරයා මෙම නියෝගය නිකුත් කළේය.

The post වාහන දෙකක් හප්පා දියවන්නාවට පැන්න සැප රියේ හිමිකරුට අධිකරණය අද දුන් දඩුවම… appeared first on Colombo Today.





Source From colombotoday
Author: ctadmin
#SriLanka #News #lka

Powered by WPeMatico