රත්නපුරේ හිමිනමක් සිතාසියක් බාරදීමට ගිය පොලිස් නිලධාරියෙක් ඝාතනය කරයි.

රත්නපුර වෙරළුපෙ ගල්ඇන්ද ප‍්‍රදේශයේ විහාරස්ථානයකට සිතාසියක් බාරදීමට ගිය අවස්ථාවේදී ගෙල මිරිකා  සිදුවූ පහරදීමකින් එම සිතාසිය භාරදීමට ගිය පොලිස් සැරයන්වරයා මිය ගොස් ඇති බව රත්නපුර පොලිසිය සඳහන් කරයි.

වාර්තා වන ආකාරයට අදාළ හිමිනමට විරුද්ධව  අධිකරණයේ විභාගවන නඩුවක සිතාසියක්  භාරදීම සැරයන්වරයා   අද (10) උදෑසන 9.30 පමණ  එම විහාරස්ථානයට ගිය අවස්ථාවේ  මෙම මරණීය පහරදීමට මුහුණ දී  ඇත.

එහිදී  විහාරස්ථනය අසළ සිටි පුද්ගලයකු විසින් 119 අංකය අමතා මේ පහරදීම සම්බන්ධව දැනුම්දී  ඇති අතර ඊට අනුව පොලිස් කණ්ඩායමක් පන්සලට පැමිණි අවස්ථාවේ සැකකාර හිමිනම අත්බෝම්බයක් ගෙන එම පිරිසට ද පහරදීමට සූදානම් වී ඇති අතර එහිදී පොල්ලකින් අතට ගසා ඔහුව මර්දනය කරගෙන ඇති බවද වාර්තා වෙයි.

මෙම සිදුවීමෙන්  මරණයට පත්ව ඇත්තේ ඇඹිලිපිටිය පල්ලෙබැද්ද පදිංචි දෙදරු පියෙක් වන රත්නපුර පොලිසියේ විවිධ පැමිණිලි අංශයේ සේවය කළ සමරවික‍්‍රම (44101) නම් පොලිස් සැරයන්වරයාය.

The post රත්නපුරේ හිමිනමක් සිතාසියක් බාරදීමට ගිය පොලිස් නිලධාරියෙක් ඝාතනය කරයි. appeared first on ColomboXnews.





Source From Colomboxnews
Author: Kamal Dhammika
#SriLanka #News #lka

Powered by WPeMatico