මහින්දගේ පාලන කාලයේ අලි පැටව් සොරකම්කල රොෂාන්ගේ නඩුව පෙබරවාරි 13 දා සිට දිනපතා විභාගයට

මහින්ද රාජපක්ෂ පාලන සමයේ වනජීවී දෙපාර්තමෙන්තුවේ තිබු අලි ලියාපදිංචි කරන පොත කූඨ ලෙස වෙනස් කොට බලපත‍්‍ර නොමැති අලි ඇතුන් ළඟ තබාගත් බවට චෝදනා ලැබ සිටින අලි ජාවාරම්කරුවකු බව කියන අලි රෝෂාන්, වනජීවී දෙපාර්තමේන්තුවේ නිලධාරීන් ඇතුලු  හත්දෙනෙකුට එරෙහි නඩුව ලබන වසරේ පෙබරවාරී මස 13 වැනිදා සිට  දිනපතා විභාග කිරීමට විශේෂ ත‍්‍රිපුද්ගල මහාධිකරණය (05) තීරණය කළේය.

විත්තිකරුවන්ට එරෙහිව විශේෂ ත‍්‍රී පුද්ගල මහාධිකරණය හමුවේ නඩු පැවරීමට නීතිපතිවරයා, අගවිනිසුරුවරයාගෙන් කළ ඉල්ලීමකට අනුමැතිය ලැබීම නිසා නීතීපතිවරයා මෙම නඩුව පවරන ලදී.

2012 ජුනි මස 05 වැනිදාත් 2015 අගෝස්තු මස 31 වැනිදාත් අතර කාලය තුළ මහරගම, නාවල හා බත්තරමුල්ලේදී නීත්‍යණුකූල බලපත‍්‍ර නොමැතිව අලි ඇතුන් සිව්දෙනෙකු ළඟ තබා ගැනීමට කුමන්ත‍්‍රණය කිරීම, ඒ අනුව අලි ඇතුන් සිව්දෙනෙකු ළඟ තබා ගැනීම සහ ඊට ආධාර අනුබලදීම ඇතුළු චෝදනා 24ක් යටතේ විත්තිකරුවන්ට එරෙහිව නීතීපතිවරයා විසින් නඩු පවරා ඇත.

රාජපක්ෂ පාලන සමයේ මහින්දගේ සහ ගෝඨාභයගේ ආශිර්වාදය සහිතව මෙම සමරප්පුලිගේ නිරාජ් රොෂාන් හෙවත් අලි රොෂාන් රටේ විවිධ ප්‍රදේශ වල සිටින ඇතුන් ඝාතනය කර ඔවුන්ගේ පැටවුන් කොළඹට රැගෙනවිත් විවිධ පුද්ගලයින්ට අලෙවි කර ඇති අතර ඒ සදහා වන සංරක්‍ෂණ දෙපාර්තමෙන්තුවේ අලි ඇතුන් ලියාපදිංචි අංශයේ නිලධාරීන්ගේද සහාය ලැබී තිබේ. මෙලෙස රැගෙන එන අලි පැටවුන් පන්සල් හා ප්‍රභූ පුද්ගලයින් ඉතා විශාල මිලකට අලෙවි කර තිබෙන බව පරීක්ෂන වලින් තහවුරුවී තිබේ.

වන සතත්ව හා වෘක්ෂලතා ආඥා පනත යටතේ, දණ්ඩ නීතී සංග‍්‍රහය යටතේ සහ  පොදු දේපළ පනත යටතේ නීතීපතිවරයා විසින් විත්තිකරුවන්ට එරෙහිව චෝදනා නඟා ඇත.

මෙලෙස චෝදනා ලැබ සිටින්නේ අලි ජාවාරම්කරුවකු බව කියන සමරප්පුලිගේ නිරාජ් රොෂාන් හෙවත් අලි රොෂාන්, උචිත නිශාන් ධම්මික, කේ. චන්දන කුමාර, සෂික චානුක ගම්ලත්, පී. ගමගේ ජයලත්, වන සංරක්‍ෂණ දෙපාර්තමෙන්තුවේ අලි ඇතුන් ලියාපදිංචි අංශය බාරව සිටි ලිපිකාරිණී ප‍්‍රියංගිකා සංජීවනී සහ වන සංරක්‍ෂණ දෙපාර්තමෙන්තුවේ හිටපු අධ්‍යක්‍ෂ (නීතී) උපාලි පද්මසිරි නමැත්තන්ටය.

මෙම නඩුව කැදවනු ලැබු අවස්ථාවේදී විත්තිකරුවෝ අධිකරණය හමුවේ පෙනී සිටියහ.

මෙම නඩුව කැදවනු ලැබු අවස්ථාවේදී දෙපාර්ශවයෙන් ඉදිරිපත් වු කරුණු සැලකිල්ලට ගනිමින් මෙම නඩුව දිනපතා විභාග කිරීමට තීරණය කළ විශේෂ ත‍්‍රිපුද්ගල මහාධිකරණ විනිසුරු මඩුල්ල නඩුව කැදවන ලබන වසරේ පෙබරවාරී මස 13 වැනිදා අධිකරණයේ පෙනී සිටින ලෙස පැමිණිල්ලේ සාක්කිකරුවන්ට නියම කළේය.

The post මහින්දගේ පාලන කාලයේ අලි පැටව් සොරකම්කල රොෂාන්ගේ නඩුව පෙබරවාරි 13 දා සිට දිනපතා විභාගයට appeared first on ColomboXnews.





Source From Colomboxnews
Author: Kamal Dhammika
#SriLanka #News #lka

Powered by WPeMatico