චූලානන්ද සමරනායකයන්ගේ කවි පොත් යුග්මයක් පාඨකයන් වෙතට ….. #SriLanka #LKA

චූලානන්ද සමරනායකයන්ගේ කවි පොත් යුග්මයක් පාඨකයන් වෙතට .....

මෙම කෘති ද්විත්වයෙන් එක කෘතියක් ඉංග්‍රීසි කාව්‍ය කෘතියක් වේ. මෙම කෘති ද්විත්වය වන්නේ ‘දැහැමි ද මේ දිවයින හා ඉංග්‍රීසියෙන් රචිත කාව්‍ය ග්‍රන්ථයක් වන “Glumps of u shuttered island” යන ග්‍රන්ථ ද්විත්වයි.

පොතෙහි ප්‍රධාන පිදුම අතුරුදන් කරන ලද මාධ්‍යවේදී ප්‍රගීත් එක්නැලිගොඩ මහතාගේ බිරිඳය. සන්ධ්‍යා එක්නැලිගොඩය.

මෙම අවස්ථාවට සහභාගී වූ එකම දේශකයා වන ආචාර්ය හිනිදුම සුනිල් සෙනෙවි මහතා ලංකා නිව්ස් වෙබ් වෙත මෙසේ අදහස් ප්‍රකාශකර සිටියේය.

“ මෙය චූලානන්ද සමරනායකගේ පළවෙනි ඉංග්‍රීසි කවිපොත හා තුන්වෙනි කවි පොත මෙයයි. කවි පොතක් සාර්ථකද කියන වචනයට තනි වචනයෙන් උත්තර දෙනවට වඩා අපි අවකාශය දෙන්න ඕන ඒ පොත ජනගත වෙලා මිනිස්සුන්ගෙ අතේ රැදීමයි. ඒ අතරේ අපට අදහසක් තියෙන්න පුළුවන් කවිය යනු කුමක්ද කවිය යන්නෙහි අන්තර්ගත වෙන්න ඕන කරුණු මොනවද මේ ආදී වශයෙන්. එහෙම ගත්තම චූලානන්ද සමරනායකගේ කවිපොතේ කවි විග්‍රහ කරන කොට අපට සිද්ධ වෙනවා සමහර මිණුම් දඬු යම් සංශෝධනයක් කරගන්න. එතකොට මිනුම් දඩු කියන්නෙ මේ ස්ථීර දෙයක් නෙමෙයි. මිනුම් දඩු බිහි විය යුත්තේ සහ ඒ ඔස්සේ ඒ ඒ කවියාගේ නිර්මාණ අස්වැන්න අනුවයි. දැන් චූලානන්ද කවියා ජීවිතය ගැනත් කවිය ගැනත් කවියෙ දෘශ්ටිය ගැනත් ඔහු විස්වාස කරන වපසරිය අනුව තමයි ඔහුගෙ කිවියාව තීරණය වෙලා තියෙන්නෙ. ඒ නිසා අපට පුළුවන්කමක් වෙන්නෙ නෑ කවියේ අන්තර්ගත විය යුත්තේ මේ මේ දේවල් කියන පූර්ව නිශ්චිත කොන්දේසි හරහා ඔහුගේ කවිය දෙස බලන්න. නමුත් මා හිතනවා ලෝකයේ සමස්ථයක් හැටියට කවිය පිළිබඳ හැදෑරීම් තියෙන නිසා බහුලව පිළිගත් පරාමිතීන් තියෙන නිසා අන්න ඒ පරාමිතීන් අනුව චූලගෙ කවිය දිහා බලන එකක් නෑ කියලා. එසේ බලද්දි සමහර රසිකයන්ට දැනෙන්න පුළුවන් කිසියම් සෘජු බවක් ඔහුගේ කවිය ඇතුළේ දකින්න පුළුවන් ධ්වනිථාර්ථ ව්‍යංගාර්ථ වැනි කවියට බලපාන සමහර අංග වල අඩු ලුහුඩුතාවත් ඔහුගේ තවිය තුළ තියෙනවා කියලා. නමුත් අවසන් වශයෙන් මට කිව යුත්තේ කවියා ඒ සියළු කොන්දේසි අත් කරගෙන තිබෙන්නේ දැනුවත්ව බවයි මට පෙනෙන්නේ. මොකද ඔහු කවිය හැටියට විශ්වාස කරන දේ පෙළගස්වද්දි තමයි මේ කියන අඩුලුහුඩුකමක් කියන කාරණය සිද්ධ වෙන්නෙ. ඒ නිසා මං හිතන්නෙ චූලගෙ කවි දිහා බලනකොට මිණුම් දඬු එක අතක තියාගෙන ඔහුගේ අභිමථාර්ථ එක අතකින් තියාගෙන ඔහුගේ අභිමතාර්ථ සමබර කරමින් ඒ දිහා බලන්න. “

චූලානන්ද සමරනායක මහතා ද ලංකා නිව්ස් වෙබ් වෙත අදහස් දැක් වූ අතර ඔහු මෙසේ පැවසීය.

“ මේ මගේ සිංහල තුන්වෙනි කවි පොත. ඉංග්‍රීසි දෙවනි කවිපොත. මේ කවි පොත් දෙකේම තියෙන්නෙ මේ සමාජය ගැන මගේ තියෙන අදහස් හා විවිධ විවේචනයන්හිම දිගුවක්“

සටහන හා ඡායාරූප
බාසුරු ජයවර්ධන

Source From lankanewsweb
Author:
#SriLanka #News #lka

Powered by WPeMatico