එජාපයේ නව අටමගල් සන්ධානය පිහිටුවීම තව බොහෝ ඈතීන් ඈතට යයි..!

එක්සත් ජාතික පක්ෂයේ මූලිකත්වයෙන් ප‍්‍රජාතන්ත‍්‍රවාදී ජාතික පෙරමුණ නමින් නව සන්ධානය පිහිටුවීම තවදුරටත් ප‍්‍රමාදවීමේ තත්වයක් උද්ගතව පවතී.ප‍්‍රජාතන්ත‍්‍රවාදී ජාතික පෙරමුණ පිහිටුවීමට අදාළ කටයුතු අවසන් කිරීමේ අරමුණින් එක්සත් ජාතික පෙරමුණු පක්ෂ නායකයින් අරලියගහ මන්දිරයේ දී හමුවුවද සන්ධානය පිහිටුවීමේ එකඟත්වයක් ඇතිකරගැනීමට නොහැකි වූ බව පක්ෂ නායකයකු පැවසීය.එක්සත් ජාතික පක්ෂයේ නියේජ්‍ය නායක සහ නිවාස ඉදිකිරීම් සහ සංස්කෘතික කටයුතු අමාත්‍ය සජිත් පේ‍්‍රමදාස මහතාද අරලියගහ මන්දිරයේදී පැවති සාකච්ඡාවට සහභාගී වී සිටියේය.එක්සත් ජාතික පෙරමුණේ මූලිකත්වයෙන් සන්ධානය පිහිටුවීමේ කටයුතු දිගින් දිගටම ප‍්‍රමාදවීමෙන් ජනාධිපතිවරණ අපේක්ෂකයා නම් කිරීම තවත් කල් යාමේ තත්වයක් උද්ගතව ඇතැයිද එක්සත් ජාතික පෙරමුණේ පක්ෂ නායකයකු වැඩිදුරටත් පැවසීය.ප‍්‍රජාතන්ත‍්‍රවාදී ජාතික පෙරමුණ පිහිටුවීමට පෙර ජනාධිපතිවරණ අපේක්ෂකයා නම් නොකළ යුතු බවට එක්සත් ජාතික පෙරමුණු නායකයින් අතර පවතින මතය ද ඊයේ (13) රාත්‍රී  පැවති හමුවේදී දීර්ඝ වශයෙන් සාකච්ඡාවට ලක්කර තිබිණි.ප‍්‍රජාතන්ත‍්‍රවාදී ජාතික පෙරමුණ පිහිටුවීමට අදාළ තවත් සාකච්ඡා වටයක් ලබන සෙනසුරාදා (17) පස්වරුවේ කොළඹ අරලියගහ මන්දිරයේ දී  පැවැත්වෙන බවත් එම හමුවේදීවත් සන්ධානය පිහිටුවීමට අදාළව අවසන් තීරණයකට එළැඹීමට අපේක්ෂා කරන බවත් එක්සත් ජාතික පෙරමුණු  පක්ෂ නායකයා වැඩිදුරටත් පැවසීය.

The post එජාපයේ නව අටමගල් සන්ධානය පිහිටුවීම තව බොහෝ ඈතීන් ඈතට යයි..! appeared first on A new voice for a new Sri Lanka.





Source From medaperadiga
Author: chinthaka
#SriLanka #News #lka

Powered by WPeMatico